ព្រះសីហនុ.. នាព្រឹកថ្ងៃអង្គារ ៥កើត ខែអស្សុជ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី២២ ខែកញ្ញា ឆ្នាំ២០២០ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បានដឹកនាំមន្ត្រីជំនាញពាក់ព័ន្ធចុះពិនិត្យស្ថានភាពនិងគម្រោងបើកពង្រីកផ្លូវមួយចំនួនក្នុងសង្កាត់លេខ២ ក្រុងព្រះសីហនុ ដោយសារបច្ចុប្បន្នផ្លូវខ្លះតូចចង្អៀត ពិបាកធ្វើដំណើរចេញចូល និងមិនអាចប្រើប្រាស់រថយន្តពន្លត់អគ្គីភ័យចូលបាន ប្រសិនបើមានហេតុការណ៍កើតឡើងដោយចៃដន្យណាមួយ ។
