(ស្វាយរៀង)នាព្រឹកថ្ងៃទី ១០ ខែមិថុនា ឆ្នាំ២០២០នេះ ឯកឧត្តម ម៉ែន វិបុល អភិបាល នៃគណៈអភិបាលខេត្តស្វាយរៀង អមដំណេីរដោយលោក នួន លីហួន ប្រធានមន្ទីរសាធារណការ និងដឹកជញ្ជូនខេត្ត បានអញ្ជេីញចុះត្រួតពិនិត្យមេីលវឌ្ឍនភាពកំពង់ផែ និងការស្តាទន្លេវ៉ៃគោដែលជាគម្រោងថវិការជាតិ ស្ថាបនាដោយនាយកដ្ឋានដឹកជញ្ជូនផ្លូវទឹក នៃក្រសួងសាធារណៈការ និងដឹកជញ្ជូន មានប្រវែង៦៩៧៣ម៉ែត្រ។
ការស្ថាបនាគិតត្រឹមថ្ងៃនេះ៖
- ការចាប់បោះអាចម៌ដីពីផ្ទៃព្រែកបាន៦០% - ការបូមដីល្បាប់ស្តាបាតព្រែកបានប្រមាណ១០%។
សូមជម្រាបជូនដល់សាធារណៈជនជ្រាបថា ការកសាងកំពង់ផែផ្លូវទឹកនេះស្ថិតនៅភូមិតាស្អាង ឃុំកំពង់ចំឡង ស្រុកស្វាយជ្រំ ខេត្តស្វាយរៀង ក្រោយពេលរួចរាល់ទីតាំងនេះនឹងផ្តល់នូវអត្ថប្រយោជន៍យ៉ាងសំខាន់ទៅលេីដំណេីរកាសេដ្ឋកិច្ច ពាណិជ្ជកម្ម ក៏ដូចជាការសម្រួលដល់ការដឹកជញ្ជូនទំនិញតាមផ្លូវទឹកទៅមក រវាងខេត្តស្វាយរៀងប្រទេសកម្ពុជា និងខេត្តឡុងអានប្រទេសវៀតណាមនៅថ្ងៃអនាគតផងដែរ ។
