ខេត្តកំពង់ស្ពឺ៖ នាថ្ងៃទី២៦ ខែឧសភា ឆ្នាំ២០២០ វេលាម៉ោង ៤ទាបភ្លឺ នៅលេីកំណាត់ផ្លូវជាតិលេខ៤១ ចន្លោះគីឡូម៉ែតលេខ១៨-១៩ ត្រង់ចំណុចភូមិត្រាវ ឃុំទឹកល្អក់ ស្រុកគងពិសី ខេត្តកំពង់ស្ពឺ មានរថយន្ដម៉ាកហុីណូ ពណ៌ស ពាក់ស្លាកលេខ3B-8945 សណ្តោងសុឺមុីរម៉ក មួយគ្រឿង ពាក់ស្លាកលេខ ភ្នំពេញ 4A-3976 ដឹកសុីទែនប្រេងសាំង ក្រុមហ៊ុន(SAVIMEX) បេីកបរដោយតៃកុងរថយន្តមិនស្គាល់អត្តសញ្ញាណ (រត់គេច) បេីកពីទិសត្បូង ឆ្ពោះទៅទិសជេីង លុះមកដល់ចំណុចកើតហេតុខាងលេី ក៏បានបុកក្បាលស្ពានអូត្រាវតែម្តង ។
តាមការបញ្ជាក់ពីសមត្ថកិច្ចនគរបាលចរាចរណ៍ស្រុកគងពិសី ថារថយន្ដបង្កគ្រោះថ្នាក់ខាងលេីប្រហែលមកពីអ្នកបេីកបរ ងងុយដេក ទេីបបណ្ដាលអោយបាត់ម្ចាស់ការ និងមិនអាចគ្រប់គ្រងស្ថានការណ៍បានទេីបបណ្ដាលអោយរេចង្កូតបុកឡេីងស្ពាន។
បច្ចុប្បន្នរថយន្តបង្កគ្រោះថ្នាក់ខាងលេីត្រូវ តំណាងក្រុមហ៊ុនសហការជាមួយសមត្ថកិច្ចស្ទួចមករក្សាទុកនៅអធិការដ្ឋាននគរបាលស្រុកគងពិសី ជាបណ្ដោះអាសន្ន និងរកដំណោះស្រាយសំណងជួសជុលសងការខូចខាតតាមនីតិវិធី ៕
