ខេត្តព្រះវិហារ៖ មុននេះមានករណីឆេះរថយន្តដឹកប្រេងមួយគ្រឿង នៅចំណុចភូមិកំពង់ចម្លង សង្កាត់កំពង់ប្រណាក ក្រុងព្រះវិហារ ខេត្តព្រះវិហារ ។ ហេតុការណ៍ឆាបឆេះនេះបង្កអោយមានការភ្ញាក់ផ្អើល នៅថ្ងៃទី២០ ខែមករា ឆ្នាំ២០២០ វេលាម៉ោង១០:១០នាទី បណ្តាលអោយរងការខូចខាតទាំងស្រុក ។
ប្រភពពីសមត្ថកិច្ចបានអោយដឹងថា រថយន្តដឹកប្រេងខាងលើមានម៉ាក ហុីយ៉ាន់ដាយ ពណ៌ខៀវ ប្រភេទ១តោន ក្នុងនោះមានផ្ទុកប្រេងសាំងចំនួន៣០កាន និងប្រេងម៉ាស៊ូត ៣៥កាន ត្រូវបានឆេះខ្ទេចអស់រលីង ។ ចំណែកមូលហេតុនៃការឆាបឆេះគឺបណ្តាលមកពីឆ្លងចរន្តរថយន្ត។
អ្នកបើករថយន្តមានឈ្មោះ ផៃ ជឿន ភេទប្រុស អាយុ៣៥ឆ្នាំ និងប្រពន្ធឈ្មោះ សួន រដ្ឋា អាយុ ២៨ឆ្នាំ មុខរបរលក់ដូរ រស់នៅភូមិកេីតហេតុខាងលេី។
ករណីខាងលេីនេះ កម្លាំងរបស់ស្នងការដ្ឋាននគរបាលខេត្តព្រះវិហារ អធិការដ្ឋាននគរបាលក្រុងព្រះវិហារ និងអធិការដ្ឋាននគរបាលស្រុកត្បែងមានជ័យ បានប្រេីប្រាស់រថយន្តអគ្គិភ័យចំនួន ០២គ្រឿង ប្រេីប្រាស់ទឹកអស់ ០២ ឡាន និងគ្រាប់បាល់ពន្លត់អគ្គិភ័យចំនួន ២០គ្រាប់ ហើយមិនបណ្ដាលអោយមានមនុស្សរងគ្រោះ និងឆេះរាលដាលដល់ផ្ទះប្រជាពលរដ្ឋឡេីយ។
