សម្តេចតេជោហ៊ុន សែននាយករដ្ឋមន្ត្រីនៃព្រះរាណាចក្រកម្ពុជាក្នុងពិធីផ្ទេរការគ្រប់គ្រង សាលាកុមារ ពិការភ្នែក និងគថ្លង់នៃអង្គការគ្រួសារថ្មីស្ថិតនៅខណ្ឌសែនសុខរាជធានីភ្នំពេញនៅព្រឹកថ្ងៃទី១ខែកក្កដានេះបានអំពាវនាវសាជាថ្មីដល់គ្រប់បណ្តាស្ថានីយ៍ទូរទស្សន៍ទាំងអស់ការផ្សាយត្រូវមានភាសាកាយវិការសំរាប់ជនគថ្លង់។
ពាក់ពន្ធ័នឹងការប្រើភាសាសញ្ញានេះសម្តេចតេជោបានបន្តថានៅតាមបណ្តាប្រទេសមួយចំនួនគេបានផ្សព្វផ្សាយ។ ប៉ុន្តែនៅកម្ពុជាសម្តេចណែនាំម្តងបានម្តង ណែនាំពីរដងបានពីរដង។ដូច្នេះស្ថានីយ៍ទូរទស្សន៍ទាំងអស់ត្រូវតែបន្តឲ្យមានភាសាសញ្ញានេះ នៅតាមស្ថានីយ៍ទូរទស្សន៍របស់ខ្លួន ដើម្បីឲ្យជន គ ថ្លង់ បានទស្សនារាល់កម្មវិធីផ្សាយ ជាពិសេសកម្មវិធីព័ត៌មាន។
សម្តចតេជោ បញ្ជាក់ថា សម្តេចនឹងជួយចេញថ្លៃលើកម្មវិធីផ្សាយនោះ បើម្ចាស់ស្ថនីយ៍ទាំងអស់នោះថា គ្មានលទ្ធភាព ដើម្បីផ្តល់សិទ្ធឲ្យកុមារ គ ថ្លង់ បានទទួលនូវព័ត៌មានតាមរយៈទូរទស្សន៍។ជាមួយគ្នានេះ សម្តេច ប្រកាសថា សម្តេចនឹងតាមទស្សនាគ្រប់បណ្តាស្ថានីយ៍ទូរទស្សន៍ទាំងអស់ តើមានប្រើភាសាសញ្ញាឬអត់ ?៕
ដោយ ៖ សហការី