ខេត្តកណ្តាល៖ នៅព្រឹកថ្ងៃទី១៧ ខែមីនា ឆ្នាំ២០២០ លោក អុំ សំអុល អនុប្រធានមន្ទីរ រ៉ែ និងថាមពលខេត្ត លោក ជួរ ឈុនឡេង អនុប្រធានមន្ទីរ សាធារណការ និងដឹកជញ្ជូនខេត្ត បានអមដំណើរ ឯកឧត្ដម នៃ ចារី អភិបាលរងខេត្តកណ្ដាល និងលោក ជា សុខរក្សា អភិបាលរងក្រុងតាខ្មៅ អញ្ជើញចុះត្រួតពិនិត្យដេប៉ូបូមខ្សាច់ ដែលកំពុងធ្វើអាជីវកម្មក្នុងភូមិសាស្ត្រ ក្រុងតាខ្មៅ ខេត្តកណ្ដាល ។
ក្នុងឱកាសនៃការចុះត្រួតពិនិត្យនេះដែរ ឯកឧត្ដម បានធ្វេីការណែនាំដល់ម្ចាស់ដេប៉ូបូមខ្សាច់ទាំងអស់ ត្រូវអនុវត្តតាមសារាចរ លេខ០៣១០ រថ.អឆរ.សរច របស់ក្រសួងរ៉ែ និងថាមពល ស្ដីពី វិធានការចំពោះការដឹកជញ្ជូនរ៉ែសំណង់គ្រប់ប្រភេទ និងត្រូវរៀបចំទីតាំងដេប៉ូរបស់ខ្លួនធ្វើយ៉ាងណាកុំអោយប៉ះពាល់ដល់សណ្ដាប់ធ្នាប់ និងបរិស្ថានរស់នៅរបស់ប្រជាពលរដ្ឋ និងត្រូវមានកន្លែងលាងកង់រថយន្តអោយបានត្រឹមត្រូវ ត្រូវបោសសម្អាតខ្សាច់ជាប់រថយន្តមុននឹងដឹកជញ្ជូនខ្សាច់ចេញ ។
ចំពោះការដឹកជញ្ជូនខ្សាច់ ឯកឧត្ដមបានធ្វេីការណែនាំអោយម្ចាស់ដេប៉ូនីមួយៗ ត្រូវណែនាំអ្នកបេីកបររថយន្តដឹកខ្សាច់ត្រូវមានតង់កៅស៊ូគ្របអោយបានគត់មត់ មិនត្រូវកេីបខ្សាច់សេីមលក់ជាដាច់ខាត ព្រោះការដឹកជញ្ជួនខ្សាច់សេីម បានធ្វេីអោយជ្រុះប្រឡាក់លេីដងផ្លូវ ធ្វើអោយបាត់បង់សោភ័ណ្ឌភាព ប៉ះពាល់បរិស្ថាន ការរស់នៅរបស់ប្រជាពលរដ្ឋ ធ្វើឲ្យមានធូលីតាមដងផ្លូវ និងអាចបង្កអោយមានគ្រោះថ្នាក់ចរាចរណ៍ជាយថាហេតុ ។
ឯកឧត្ដមបានបញ្ជាក់ថា ចំពោះដេប៉ូណាដែលមិនគោរពតាមការណែនាំ អាជ្ញាធរមានសមត្ថកិច្ចនឹងមានវិធានបិទអាជីវកម្មតែម្តង ។
