ខេត្តកណ្តាល៖ នាព្រឹកថ្ងៃទី២១ ខែកុម្ភៈ ឆ្នាំ២០២០ ឯកឧត្ដម នៃ ចារី អភិបាលរងខេត្តកណ្ដាល អញ្ជើញចូលរួម ក្នុងពិធីបិទការផ្សព្វផ្សាយលទ្ធផលសកម្មភាពការងារយោធា ឆ្នាំ២០១៩ និងផែនការឆ្នាំ២០២០ របស់ទីបញ្ជាការដ្ឋានយោធភូមិភាគពិសេស ក្រោមអធិបតីភាព ឯកឧត្តម ឧត្ដមសេនីយ៍ឯក ហ៊ុន ម៉ាណែត អគ្គបញ្ជាការរង នៃកងយោធពលខេមរភូមិមិន្ទ និងមេបញ្ជាការកងទ័ពជើងគោក នៅបញ្ជាការដ្ឋានយោធភូមិភាគពិសេស។
មានប្រសាសន៍ក្នុងពិធីនេះ ឯកឧត្តម ឧត្ដមសេនីយ៍ឯក ហ៊ុន ម៉ាណែត បានមានប្រសាសន៍ថា លេណដ្ឋានយោធា វាមានសារៈសំខាន់ហើយ ប៉ុន្តែអ្វីដែលសំខាន់ និងរឹងមាំសម្រាប់បច្ចុប្បន្ន គឺលេណដ្ឋានសត្តិអារម្មណ៍។ ជាងនេះទៀតត្រូវចាត់តាំងអោយចំជំនាញ និងបំប៉នជំនាញអោយចំមនុស្ស ត្រូវរៀបចំផែនការអោយបានច្បាស់លាស់ ព្រោះផែនការគឺជាមូលដ្ឋាន ប៉ុន្តែការអនុវត្តត្រូវបត់បែន។
