បន្ទាយមានជ័យ៖ ព្រឹកថ្ងៃពុធ ១១កេីត ខែអស្សុជ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី០៩ ខែតុលា ឆ្នាំ២០១៩ ឯកឧត្ដម ឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន និងជាប្រធានក្រុមការងារថ្នាក់ជាតិចុះមូលដ្ឋានខេត្តបន្ទាយមានជ័យ អញ្ជេីញជាអធិបតីដ៏ខ្ពង់ខ្ពស់ក្នុងកិច្ចប្រជុំបូកសរុបលទ្ធផល នៃការចុះធ្វេីវេទិកាសាធារណៈរបស់ក្រុមការងារថ្នាក់ជាតិចុះមូលដ្ឋាន ដែលបានធ្វេីវេទិកាកន្លងមកដេីម្បីដឹងពីលទ្ធផលអំពីសុខទុក្ខរបស់ប្រជាពលរដ្ឋ ពីបញ្ហាប្រឈម សំណូមពរនានា នៅមូលដ្ឋាន។
ក្នុងពិធីនោះក៏មានអញ្ជេីញចូលរួមពី ឯកឧត្ដម អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ មន្ត្រីរាជការ ប្រធានមន្ទីរអង្គភាព កងកម្លាំង លោកអភិបាលស្រុក ក្រុង មេឃុំ ចៅសង្កាត់ ក្នុងពេលនោះដែរ ឯកឧត្ដម អភិបាលខេត្តបានឡេីងរាយការណ៍អំពីលទ្ធផលនៃការចុះធ្វេីវេទិកាសាធារណៈ និងបានដោះស្រាយបញ្ហាប្រឈម សំនូមពរ ជូនបងប្អូនប្រជាពលរដ្ឋបានមួយចំនួន និងបង្ហាញពីគោលបំណងវេទិកាសាធារណៈនេះដេីម្បីផ្សារភ្ជាប់គ្នារវាងថ្នាក់ដឹកនាំ មន្ត្រីរាជការ ជាមួយបងប្អូនប្រជាពលរដ្ឋ ពិសេសសុខទុក្ខ បញ្ហាប្រឈមនៅមូលដ្ឋាន ដេីម្បីរួមគ្នាដោះស្រាយ ក្នុងន័យជាអ្នកបំរេីប្រជាពលរដ្ឋ ក៏ដូចជាការចុះជួបប្រាស្រ័យដោយផ្ទាល់ជាមួយប្រជាពលរដ្ឋ និងក្រុមការងារថ្នាក់ជាតិចុះមូលដ្ឋានស្រុក ក្រុង ខេត្តបន្ទាយមានជ័យ។
ក្នុងអង្គវេទិកានេះដែរចំពោះសំណូពរ និងបញ្ហាប្រឈមមួយចំនួន ឯកឧត្ដម អ៊ុំ រាត្រី អភិបាលខេត្តបន្ទាយមានជ័យ បានដោះស្រាយជូនភ្លាមៗ តាមសំនូមពរ និងបញ្ហាប្រឈមនានា ឬបញ្ហាធំដែលថ្នាក់ខេត្តមិនអាចដោះស្រាយបានថ្នាក់ខេត្តបានរៀបចំសំណេីដាក់ជូនទៅថ្នាក់ជាតិ ក្រសួងពាក់ព័ន្ធដេីម្បីដោះស្រាយជូនបងប្អូនប្រជាលរដ្ឋ។
