(ខេត្តស្វាយរៀង) ៖ នៅរសៀលថ្ងៃទី១០ ខែមិថុនា ឆ្នាំ២០២១នេះ លោកវេជ្ជបណ្ឌិត កែរ រដ្ឋា ប្រធានមន្ទីរសុខាភិបាលខេត្តស្វាយរៀងបានប្រាប់គេហទំព័រខ្មែរឯករាជ្យឲ្យដឹងថា៖ ស្ថានភាពជំងឺកូវីដ-១៩នៅខេត្ត ស្វាយរៀងនាបច្ចុប្បន្ននេះមិនទាន់ថមថយនៅឡើយនោះទេ ខណៈដែលក្រុមការងារនៅតែបន្តរកឃើញវិជ្ជមានជំងឺ កូវីដ-១៩ នៅក្នុងសហគមន៍ និងនៅតាមរោងចក្រ ប៉ុន្តែ មន្ទីរសុខាភិបាលខេត្ត នឹង សហការ ជាមួយ អាជ្ញាធរ ខេត្ត និង ភាគី ពាក់ព័ន្ធ ទប់ស្កាត់ ប្រយុទ្ធ ប្រឆាំង នឹង ជំងឺ កូវីដ -១៩ បំបាត់ ឱ្យ អស់ ចេញ ពី ខេត្ត ស្វាយរៀង ។
លោកវេជ្ជបណ្ឌិតបានបន្ថែមទៀតថា៖ជំងឺកូវីដ-១៩ នៅសហគមន៍ និងរោងចក្រសហគ្រាស មិនទាន់បានថមថយនោះមូលហេតុ៖ ទី១ .ក្រុមកម្មករកម្មការិនីរោងចក្រមិនព្រម យក សំណាក នៅតាម រោងចក្រ និង មិន ព្រម ធ្វេីចត្តាឡីស័ក នៅ ក្នុង រោងចក្រ ពួកគាត់ ទៅផ្ទះ ចម្លង ជំងឺកូវីដ-១៩ ចូលក្នុង សហគមន៍ ទី២.មិន រក្សា គម្លាតក្នុងពេលធ្វើដំណើរទៅរោងចក្រស ហគ្រាស ដោយ មានការប្រមូលផ្ដុំគ្នាជិះរថយន្តរួមគ្នាច្រើន ទី ៣ .ពលករ មួយចំនួន ត្រឡប់ មក ពី ប្រទេស ថៃ យក ជំងឺ កូវីដ -១៩ មក ជាមួយ ទី ៤ .ការ មិន គោរព តាម វិធានការ សុខាភិបាល និង វិធានការ ៣ការពារ ៣កុំ របស់ សម្តេច តេជោ ហ៊ុន សែន ។
ឯកឧត្តមវេជ្ជបណ្ឌិត បានផ្តល់របាយការណ៍ នៅក្នុងព្រឹតិ្តការណ៍សហគមន៍ ២០កុម្ភ: ខេត្ត ស្វាយរៀងមានប្រជាពលរដ្ឋខ្មែរ និងជនបរទេស គិតត្រឹមថ្ងៃទី៩ ខែមិថុនា ឆ្នាំ២០២១ បានឆ្លងជំងឺកូវីដ-១៩ មានចំនួន ១១៧៤ នាក់ ស្រី ចំនួន៦៧៦នាក់ ស្លាប់ចំនួន ៧នាក់ ព្យាបាលជាសះស្បើយចំនួន ៧៣៦ នាក់ ស្រី ៤១០នាក់ និងកំពុងធ្វើការព្យាបាលចំនួន ៤៣០នាក់ ស្រី ២៦៤នាក់ ៕
