ខេត្តកណ្តាល៖ ក្រោមការដឹកនាំចង្អុលបង្ហាញពីលោក ឧត្តមសេនីយ៍ត្រី សំ តុលា មេបញ្ជាការ កងរាជអាវុធហត្ថខេត្តកណ្តាល នៅព្រឹកថ្ងៃសុក្រ ទី០៦ ខែធ្នូ ឆ្នាំ២០១៩ លោក វរសេនីយ៍ឯក ច័ន្ទ សារ៉ាដែន មេបញ្ជាការរង កងរាជអាវុធហត្ថខេត្តកណ្តាល បានដឹកនាំនាយ នាយរងអាវុធខេត្ត និងស្រុកមុខកំពូល អញ្ជើញចុះសំណេះសំណាលសួរសុខទុក្ខ និងនាំយកថវិកា ព្រមទាំងសម្ភារៈមួយចំនួនប្រគល់ជូនគ្រួសារអាវុធហត្ថឆ្លងទន្លេ ចំនួន២ គ្រួសារ គឺគ្រួសារលោក អនុសេនីយ៍ឯក ឈឹម សុភាព បញ្ជាការរងមូលដ្ឋាន កងរាជអាវុធហត្ថស្រុកមុខកំពូល ទទួលបានថវិកាចំនួន ១.៣០៥.០០០រៀល និងគ្រឿងឧបភោគបរិភោគមួយចំនួន និងគ្រួសារលោក នាយចំណង់ អ៊ុំ ចាន់ថេត ជំនួញការ មូលដ្ឋាន កងរាជអាវុធហត្ថស្រុកមុខកំពូល ទទួលបានថវិកាចំនួន ១.២៥៤.០០០រៀល និងសម្ភារៈមួយចំនួនទៀតដល់លំនៅដ្ឋាន។
