ភ្នំពេញ៖ បុរសម្នាក់ធ្វើសកម្មភាពលួចឆ្កឹះសោរទ្វារលួចយកទ្រព្យសម្បត្តិគេ តែមិនបានសំរេច ត្រូវសមត្ថកិច្ចឃាត់ខ្លួនជាមួយម៉ូតូជិះធ្វើសកម្មភាពមួយគ្រឿងម៉ាកស្មាសរីវ៉ូ ពណ៌ខៀវ ពាក់ស្លាកលេខ 1M-0905 ។ ជនសង្ស័យត្រូវបាននាំខ្លួនទៅសួរនាំនៅថ្ងៃទី១៨ ខែកញ្ញា ឆ្នាំ២០១៩ វេលាម៉ោង០១:០០នាទីរសៀល នៅចំណុចបន្ទប់ជួលលេខ៨ ផ្ទះលេខ៦៣ ផ្លូវបេតុងភូមិព្រៃសាលា សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ ។
ជនសង្ស័យមានឈ្មោះ ហុំ រាជ ភេទប្រុស អាយុ២៧ឆ្នាំ មានមុខរបរមិនពិត មានទីលំនៅភូមិថ្កូវ ឃុំជីខ្នារ ស្រុកទ្រាំ ខេត្តតាកែវ ។ ចំណែកជនរងគ្រោះមានឈ្មោះ រឿន ចន្នី ភេទប្រុស អាយុ៤៩ឆ្នាំ មានមុខរបរនៅផ្ទះ មានទីលំនៅផ្ទះលេខ៦៣ ផ្លូវបេតុង ភូមិព្រៃសាលា សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ ។ បច្ចុប្បន្នជនសង្ស័យ បានបញ្ចូនទៅកាន់ផ្នែកជំនាញ នៃអធិការដ្ឋាននគរបាលខណ្ឌពោធិ៍សែនជ័យ ដើម្បីសួរនាំ និងឃុំខ្លួនជាបណ្តោះអាសន្ន រងចាំបញ្ជូនទៅតុលារការចាត់ការតាមច្បាប់ ៕
