កំពង់ស្ពឺ ៖ ព្រឹកថ្ងៃអង្គារ ទី១១ ខែកញ្ញា ឆ្នាំ២០២០ លោកឧត្តមសេនីយ៍ត្រី ជូ សារុន មេបញ្ជាការ កងរាជអាវុធហត្ថខេត្តកំពង់ស្ពឺ ដឹកនាំមន្រ្តីក្រោមឱវាទ ដោយមានការអញ្ជើញចូលរួមពីសំណាក់ថ្នាក់ដឹកនាំ និងមន្ត្រី រដ្ឋបាលក្រុងច្បារមន បានអញ្ជើញដាក់បិណ្យវេណទី៩ របស់បញ្ជាការដ្ឋានកងរាជអាវុធហត្ថខេត្ត និងរដ្ឋបាលក្រុងច្បារមន នៅវត្តសាមគ្គីរាជវរារាម (ហៅវត្តថ្មី) ស្ថិតនៅភូមិសំណង់ សង្កាត់រកាធំ ក្រុងច្បារមន ខេត្តកំពង់ស្ពឺ។ 
ក្នុងឱកាសនេះដែរ លោកឧត្តមសេនីយ៍ត្រី និងរដ្ឋបាលក្រុងច្បារមន ព្រមទាំងសហការីទាំងអស់ មានសទ្ធាចិត្តជ្រះថ្លា បាននាំយកទ័យទាន រួមមានគ្រឿងឧបភោគ បរិភោគមួយចំនួន និងបច្ច័យសម្រាប់កសាងក្នុងវត្ត ទឹកប្រាក់ចំនួន ៧,៩៦៨,០០០រៀល ប្រគេនដល់ព្រះចៅអធិការវត្ត សម្រាប់ចាត់ចែងតម្រូវចាំបាច់ចំពោះមុខ៕
