(ខេត្តកណ្ដាល)៖ លោកឧត្តមសេនីយ៍ត្រី សំ តុលា មេបញ្ជាការកងរាជអាវុធហត្ថខេត្តកណ្ដាល បានដឹកនាំកម្លាំងក្រោមឱវាទចុះត្រួតពិនិត្យតាមបណ្តាភូមិសាស្ត្រ និងគោលដៅសំខាន់ៗ
ក្នុងមូលដ្ឋាន អ.ហ ស្រុកស្អាង និង ក្រុងតាខ្មៅដើម្បីពិនិត្យមើលសភាពការណ៌ សន្តិសុខ សណ្ដាប់ធ្នាប់ ការធ្វើដំណើររបស់ប្រជាពលរដ្ឋ ក្នុងឱកាសថ្ងៃឈប់សម្រាកនេះ ព្រមទាំងបានចុះសំណេះ សំណាល សួរសុខទុក្ខ ចែកអំណោយ ដល់កងកម្លាំង និងបានពាំនាំជាពិសេសនូវការសាកសួរសុខទុក្ខ វាយតម្លៃខ្ពស់ កោតសរសើរ លើឆន្ទៈខិតខំ លះបង់ ជូនជាតិ ប្រជាជន។
ទាំងថ្ងៃទាំងយប់ ដោយមិនគិតពីការនឿយហត់ ជូនដល់កងកម្លាំងយើងទាំងអស់ គ្រប់ជាន់ថ្នាក់ ពីលោក នាយឧត្ដមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការ អ.ហ.ផ.ទ នាថ្ងៃសុក្រ ៣កេីត ខែភទ្របទ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២១ ខែសីហា ឆ្នាំ២០២០។
ក្នុងនាមលោកជា មេបញ្ជាការ ដឹកនាំផ្ទាល់ កងរាជអាវុធហត្ថ ខេត្តកណ្ដាល លោកបានក្រើនរម្លឹកដល់កងកម្លាំងទាំងអស់ ត្រូវយកចិត្តទុកដាក់ខ្ពស់ ការពារសន្តិសុខ រក្សាសណ្ដាប់ធ្នាប់ សម្រួលចរាចរណ៌ ជូនប្រជាពលរដ្ឋ និងថ្នាក់ដឹកនាំ។
បន្តចុះល្បាត ចល័ត ពួនស្ទាក់ បង្ការ បង្ក្រាប ជួយសង្គ្រោះ ជាពិសេសត្រូវបង្ក្រាបបទល្មើស គ្រឿងញៀន ល្បែងសុីសង អំពើហិង្សារ។ត្រូវចូលរួមនិងសហការប្រយុទ្ធប្រឆាំង ទប់ស្កាត់ កុំឲ្យឆ្លងកូវិដ ១៩ ទាំងមហាជន សង្គម ក្នុងអង្គភាព ក្នុងគ្រួសារ និងខ្លួនយើង ដោយអនុវត្តនៅវិធានការណែនាំរបស់ក្រសួងសុខាភិបាល។
ឆ្លៀតក្នុងឱកាសនោះ លោក មេបញ្ជាការខេត្ត ក៏បាននាំយកថវិកានិងសម្ភារមួយចំនួនចែកជូនដល់កងកម្លាំងទាំងអស់តាមស្រុកផងដែរ៕
