ស្រុកអង្គរបូរី នាសៀល ថ្ងៃសុក្រ ១ រោច ខែអស្សុជ ឆ្នាំរោង ឆស័ក ពុទ្ធសករាជ២៥៦៨ ត្រូវនឹងថ្ងៃទី១៨ ខែតុលា ឆ្នាំ២០២៤ លោក មុត សុវណ្ណារិទ្ធ ប្រធានក្រុមប្រឹក្សាស្រុក លោក ឈឹម ធី អភិបាលរងស្រុក តំណាងលោក រស់ ប៊ុនធឿនអភិបាលស្រុក និងដោយមានការអញ្ជើញចូលរួមពី លោក កឹម ចណ្ណារិទ្ធ ប្រធានសាខា បេឡាជាតិសន្ដិសុខសង្គមខេត្តតាកែវ បានអញ្ជើញជាអធិបតីក្នុងកិច្ចប្រជុំផ្សព្វផ្សាយអំពីអត្ថប្រយោជន៍សំខាន់ៗ នៃរបបសន្តិសុខសង្គម និងបានប្រគល់បណ្ណសមាជិក ប.ស.ស. ចំនួន១៥៥បណ្ណ ដែលក្នុងនោះរួមមានផ្នែកហានិភ័យការងារ និងផ្នែកថែទាំសុខភាព រួមទាំង នីតិវិធី ការចុះបញ្ជីសហព័ទ្ធ កូនក្នុងបន្ទុក និងនីតិវិធីនៃការចូលប្រើប្រាស់សេវានៅតាមមូលដ្ឋានសុខាភិបាលដែលជាដៃគូ ប.ស.ស. ជូនដល់ក្រុមប្រឹក្សាស្រុក ក្រុមប្រឹក្សាឃុំ ប្រធានការិយាល័យប្រជាពលរដ្ឋស្រុក មេភូមិ អនុប្រធានភូមិ និងសមាជិកភូមិ នៃរដ្ឋបាលស្រុកអង្គរបូរី ខេត្តតាកែវ។
