ករណីគ្រោះថ្នាក់ចរាចរណ៍យ៉ាងរន្ធត់ រថយន្តធន់ធំដឹកភេសជ្ជៈមួយគ្រឿងបានក្រឡាប់ផ្ងារជើង បណ្ដាលឱ្យរងរបួសអ្នកធ្វើដំណើរជាច្រើននាក់។

ខេត្តកណ្ដាល,, នៅវេលាម៉ោង ៥:៤៥នាទីល្ងាច ថ្ងៃទី ១៤ សីហា ឆ្នាំ ២០២១ មានករណីគ្រោះថ្នាក់ចរាចរណ៍មួយបានកើតឡើងនៅត្រង់ចំណុចស្តុបបំបែកគល់ស្ពានព្រែកហូរដែលស្ថិតនៅក្នុង សង្កាត់ តាក្តុល ក្រុង តាខ្មៅ ខេត្តកណ្ដាល។

ដោយហេតុការណ៍គ្រោះថ្នាក់ចរាចរដ៏រន្ធត់នេះបណ្ដាលឱ្យអ្នកធ្វើដំណើរនៅត្រង់ចំណុចស្តុបគល់ស្ពានព្រែកហូរងរបួសជាច្រើននាក់ ហើយភ្លាមនោះក៏មានវត្តមានអន្តរាគមន៍របស់អធិការរដ្ឋាននគរបាលចរាចរណ៍ក្រុងតាខ្មៅ កម្លាំងប៉ុស្តិ៍នគរបាលសង្កាត់តាក្តុលរួមទាំងរថយន្តសង្គ្រោះបន្ទាន់ជាច្រើនគ្រឿងផងដែរ។