ខេត្តស្វាយរៀង៖ នាព្រឹកថ្ងៃ២៤ ខែមករា ឆ្នាំ២០២០ តាមការចាត់តាំងរបស់ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ លោកឧត្តមសេនីយ៍ទោ កឹង ឃន ស្នងការនគរបាលខេត្តស្វាយរៀង តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ សន្តិបណ្ឌិត អគ្គស្នងការនគរបាលជាតិ បាននាំយកវត្ថុអនុស្សាវរីយ៍ ទៅជូនពរដល់ ឯកឧត្តម ប្រធានគណៈកម្មាធិការប្រជាជន ខេត្តឡុងអាន ក្នុងឱកាសចូលឆ្នាំថ្មី ប្រពៃណីជាតិវៀតណាម នៅខេត្តឡុងអាន។
បន្ទាប់មកលោកឧត្តមសេនីយ៍ទោ ស្នងការនគរបាលខេត្ត បានបន្តដឹកនាំប្រតិភូស្នងការដ្ឋាននគរបាលខេត្ត នាំយកវត្ថុអនុស្សាវរីយ៍ ទៅជូនពរលោកប្រធានមន្ទីរនគរបាលខេត្តឡុងអាន និងលោកមេការ នៃបញ្ជាការដ្ឋានកងទ័ពការពារព្រំដែនខេត្តឡុងអាន ផងដែរ។