ភ្នំពេញ៖ នៅថ្ងៃច័ន្ទ ទី២០ ខែមករា ឆ្នាំ២០២០ វេលាម៉ោង ១០.១០នាទីព្រឹក កម្លាំងអន្ដរាគមន៍ នៃអធិការដ្ឋាននគរបាលខណ្ឌដង្កោ បានចុះល្បាតនៅក្នុងមូលដ្ឋានមកដល់ចំណុចផ្ទះលេខ១២៣ ផ្លូវលេខ១១ ក្នុងបុរីពិភពថ្មីចំការដូង ស្ថិតនៅភូមិសំបួរ សង្កាត់ដង្កោ ខណ្ឌដង្កោ រាជធានីភ្នំពេញ មានប្រជាពលរដ្ឋដែលរស់នៅចំណុចកើតហេតុខាងលើ បានរាយការណ៍ថា បានឃើញរថយន្តមួយគ្រឿងម៉ាក RAV4 L ពណ៌ទឹកប្រាក់ ពាក់ស្លាកលេខ ភ្នំពេញ2AC-2916 បានមកចតចោលអស់រយៈពេលជាច្រើនថ្ងៃមកហើយ ដោយមិនឃើញមានម្ចាស់មកយកវិញទេ ហើយសាកសួរអ្នកនៅជុំវិញនោះក៏មិនមានអ្នកណាដឹងដែរ ទើបសមត្ថកិច្ចយើងបានស្ទូចយកមករក្សាទុកនៅប៉ុស្ដិ៍នគរបាលរដ្ឋបាលដង្កោ ដើម្បីរងចាំម្ចាស់ដើមមកទទួលយកវិញ។
ប្រសិនបើបងប្អូនប្រជាពលរដ្ឋណា បានដឹងឬបានស្គាល់ម្ចាស់រថយន្ដនេះ ឬម្ចាស់ដើមបានដឹង សូមទំនាក់ទំនងមកលេខទូរស័ព្ទ ០១២ ៧២៧ ៣៥៨ ដើម្បីមកទទួលយករថយន្ដខាងលើ។
