ខេត្តសៀមរាប៖ ថ្ងៃសុក្រ ១កេីត ខែភទ្របទ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី៣០ ខែសីហា ឆ្នាំ២០១៩ រដ្ឋបាលខេត្តសៀមរាប បានអនុញ្ញាតឲ្យក្រុមហ៊ុន NISSAN GROUP បេីកសិក្ខាសាលាស្ដីពី ការផ្លាស់ប្ដូរព័ត៌មានអំពីរថយន្ត NISSAN LEAF និងបច្ចេកវិទ្យារថយន្តអេឡិចត្រូនិចរបស់ក្រុមហ៊ុន NISSAN GROUP ដឹកនាំដោយ លោក សុខ ថុល នាយករដ្ឋបាលសាលាខេត្ត និងលោក Dr Lavanya Wadgaonkar ជា Vice President Communication External &Goverment Affairs Asia &Oceanai និងមានការចូលរួមពីមន្ត្រីមកពីអងគភាពពាក់ព័ន្ធ និងមន្ត្រីជំនាញអមដំណេីរសរុបចំនួន ៣៥នាក់។
ក្នុងសិក្ខាសាលានេះ លោកនាយករដ្ឋបាលសាលាខេត្តក៏បានថ្លែងអំណរគុណដល់ក្រុមការងាររបស់ក្រុមហ៊ុនផលិតរថយន្ត NISSAN GROUP ដែលបានចំណាយពេលវេលាដ៏មានតម្លៃដេីម្បីចែករំលែកព័ត៌មានអំពីបច្ចេកវិទ្យាថ្មីចុងក្រោយរបស់ក្រុមហ៊ុន NISSAN ក្នុងការផ្សព្វផ្សាយអំពីផលិតផល និងសមិទ្ធិផលដ៏ល្អលេីបច្ចេកវិទ្យាដ៏ទាន់សម័យ និងទំនេីបបំផុតរបស់ពិភពលោកជូនប្រជាជនកម្ពុជា។ សិក្ខាសាលានេះ គឺបង្ហាញពីបច្ចេកវិទ្យាចុងក្រោយ និងទំនេីបបំផុតរបស់ក្រុមហ៊ុនផលិតរថយន្តNISSAN GROUP ។
សូមបញ្ជាក់ថាក្រុមហ៊ុន NISSAN GROUP បានផលិតរថយន្តថ្មីទំនេីបរបស់ខ្លួនដោយប្រេីប្រាស់ថាមពលអគ្គិសនីដេីរអាគុយ ហេីយអាចសាកបានដោយងាយគ្រប់ទីកន្លែងដូចយេីងសាកថ្មទូរស័ព្ទដៃ ហេីយនៅពេលមានគ្រោះធម្មជាតិ ឬឧបទ្ទវហេតុដាច់ចរន្តអគ្គិសនីអាចប្រេីប្រាស់ថាមពលអគ្គិសនីពីរថយន្តដេីម្បីបំភ្លឺតាមទីសាធារណៈ ឬក្នុងគេហដ្ឋានបានរហូតដល់២ថ្ងៃ ទៅ៣ថ្ងៃដោយគ្មានក្ដីបារម្មណ៍ឡេីយ ហេីយក្រុមហ៊ុនគ្រោងនឹងនាំចូលមកទីផ្សារកម្ពុជាក្នុងពេលឆាប់ៗខាងមុខនេះ៕