តាកែវ៖ នាព្រឹកថ្ងៃអាទិត្យ ទី០៣ ខែមីនា ឆ្នាំ២០២៤ ឯកឧត្តម នាយឧត្តមសេនីយ៍ កិត្តិឧទ្ទេសបណ្ឌិត ប៉ុល សារឿន ទីប្រឹក្សារាជរដ្ឋាភិបាល និងលោកជំទាវ បានអញ្ជើញកាត់ឬសសីមាព្រះវិហារ វត្តអង្គជុំ (ហៅ វត្តកំហែង) និងសម្ពោធសមិទ្ធផលនានា ស្ថិតក្នុងឃុំព្រៃផ្គាំ ស្រុកអង្គរបូរី ខេត្តតាកែវ ដែលចំណាយថវិការសាងសង់សរុប ៥៨៤,៦០០ ដុល្លារ ។
អញ្ជើញចូលរួមនាឱកាសនោះដែរ ឯកឧត្តម អ៊ូច ភា អភិបាល នៃគណៈអភិបាលខេត្តតាកែវ ឯកឧត្តម លោកជំទាវ គណប្រតិភូអមដំណើរ លោក លោកស្រី ប្រធាន អនុប្រធានមន្ទីរអង្គភាពជុំវិញខេត្ត លោក រស់ ប៊ុនធឿន អភិបាលស្រុកអង្គរបូរី លោកអធិការនគរបាលស្រុក លោកមេបញ្ជាការមូលដ្ឋានស្រុក លោកមេបញ្ជាការផ្នែកសឹករងស្រុក លោកគ្រូ អ្នកគ្រូ សិស្សានុសិស្ស ប្រជាពលរដ្ឋ និងពុទ្ធបរិស័ទ្ធជិតឆ្ងាយបានអញ្ជើញចូលរួមយ៉ាងច្រើនកុះករ ។
សូមបញ្ជាក់ដែរថា សមិទ្ធផលដែលសម្ពោធដាក់ឱ្យប្រើប្រាស់នាឱកាសនេះរួមមាន៖ ដងទង់មុខព្រះវិហារ១គូ, កុដិថ្មីមួយខ្នង មានបណ្តោយ ៣០ម៉ែត្រ ទទឹង ៦ម៉ែត្រ, សាលាទទួលភ្ញៀវមួយខ្នង មានបណ្តោយ ២០.២ម៉ែត្រ ទទឹង ៦.១ម៉ែត្រ និងព្រះវិហារថ្មី មានទំហំ ទទឹង ១២.៣ម៉ែត្រ បណ្តោយ ២២.២ម៉ែត្រ កម្ពស់ ៣០ម៉ែត្រ រួមទាំងហេដ្ឋារចនាសម្ព័ន្ធផ្សេងៗទៀត បានរួចរាល់ជាស្ថាពរ សរុបថវិកាទាំងអស់ចំនួន ៥៨៤,៦០០ ដុល្លារ ៕
