ខេត្តកណ្តាល៖ នាថ្ងៃទី២៨ ខែតុលា ឆ្នាំ២០១៩នេះ មានប្រពភព័ត៌មានពីប្រជាពលរដ្ឋបានអោយដឹងថា រោងចក្រផលិតបារីគ្មានផ្លាកយីហោ មួយកន្លែង កំពុងតែផលិតបារីនៅក្នុងចំណុច ភូមិលេខមួយ សង្កាត់ស្វាយរលំ ក្រុងតាខ្មៅ ខេត្តកណ្តាល មិនដឹងថាមានច្បាប់អនុញ្ញាត ឬយ៉ាងណានោះទេ តែតាមប្រភពព័ត៌មានបានបន្តថា រោងចក្រផលិតបារីមួយនេះឃើញបើកមកជាយូរឆ្នាំមកហើយ ហើយឃើញមានតែឃើញជនជាតិចិន ឬវៀតណាម ជិះឡានទំនើបៗ ចេញចូលរាល់ថ្ងៃ ហើយផ្លាកលេខឡានសិទ្ធតែ.ខ.ម.នឹង.ន.ប.ទាំងអស់ ។
ដូច្នេះហើយ ពួកគាត់បានសំណូមពរ ដល់អង្គភាពសារព័ត៌មាន.រស្មីនាងពួន យើងជួយផ្សព្វផ្សាយ ព័ត៌មាននេះផង ដើម្បីឲ្យដឹងដល់ អាជ្ញាធរមូលដ្ឋាន និងមន្ទីរពាក់ព័ន្ធទាំងអស់នៅក្នុងក្រុងតាខ្មៅ ជាពិសេសលោកអភិបាលនៃគណៈអភិបាលខេត្តកណ្ដាល លោក ម៉ៅ ភារុណ មេត្តាចុះពិនិត្យមើលទីតាំងផលិតបារីគ្មានផ្លាកយីហោមួយនេះផង ៕